10

തു​റ​വൂ​ർ: ദേ​ശീ​യ​പാ​ത​യി​ൽ അ​രൂ​ർ മു​ത​ൽ തു​റ​വൂ​ർ വ​രെ​യു​ള്ള ഭാ​ഗ​ങ്ങ​ളി​ൽ അ​ന​ധി​കൃ​ത പാ​ർ​ക്കിം​ഗ് വ്യാ​പ​കം. ഉ​യ​ര​പ്പാ​ത നി​ർ​മാ​ണം പു​രോ​ഗ​മി​ക്കു​ന്ന മേ​ഖ​ല​യാ​യ​തി​നാ​ൽ സ്ഥ​ല​പ​രി​മി​തി രൂ​ക്ഷ​മാ​ണ്. റോ​ഡ​രി​കി​ൽ വാ​ഹ​ന​ങ്ങ​ൾ മ​ണി​ക്കൂ​റു​ക​ളോ​ളം പാ​ർ​ക്ക് ചെ​യ്യു​ന്ന​ത് ഗ​താ​ഗ​ത സു​ര​ക്ഷ​യ്ക്ക് ഭീ​ഷ​ണി​യാ​കു​ന്ന​താ​യി യാ​ത്ര​ക്കാ​രും നാ​ട്ടു​കാ​രും പ​രാ​തി​പ്പെ​ടു​ന്നു.

അ​രൂ​ർ, ച​ന്തി​രൂ​ർ, എ​ര​മ​ല്ലൂ​ർ മേ​ഖ​ല​ക​ളി​ലാ​ണ് അ​ന​ധി​കൃ​ത പാ​ർ​ക്കിം​ഗ് വ്യാ​പ​കം. ച​ന്തി​രൂ​രി​ലെ വി​വി​ധ സ്റ്റോ​റേ​ജ് സ്ഥാ​പ​ന​ങ്ങ​ളി​ലേ​ക്ക് ച​ര​ക്കു​മാ​യി എ​ത്തു​ന്ന വ​ലി​യ വാ​ഹ​ന​ങ്ങ​ളാ​ണ് പ്ര​ധാ​ന​മാ​യും ദേ​ശീ​യ​പാ​ത​യോ​ര​ത്ത് പാ​ർ​ക്ക് ചെ​യ്യു​ന്ന​ത്. ഇ​തു​മൂ​ലം ഇ​ട​റോ​ഡു​ക​ളി​ൽ നി​ന്ന് ദേ​ശീ​യ​പാ​ത​യി​ലേ​ക്ക് പ്ര​വേ​ശി​ക്കു​ന്ന വാ​ഹ​ന​ങ്ങ​ൾ​ക്ക് കാ​ഴ്ച ത​ട​സ​മു​ണ്ടാ​കു​ക​യും അ​പ​ക​ട​സാ​ധ്യ​ത വ​ർ​ധി​ക്കു​ന്ന​താ​യും ആ​ക്ഷേ​പ​മു​ണ്ട്. ച​ന്തി​രൂ​ർ ഹൈ​സ്‌​കൂ​ളി​ന് സ​മീ​പ​ത്തെ​യും എ​ര​മ​ല്ലൂ​ർ-​ആ​ല​പ്പു​ഴ റൂ​ട്ടി​ലെ​യും ബ​സ് സ്റ്റോ​പ്പു​ക​ൾ ബ​സ് ബേ​യി​ലേ​ക്ക് മാ​റ്റ​ണ​മെ​ന്ന ആ​വ​ശ്യ​വും ശ​ക്ത​മാ​ണ്.

അ​തേ​സ​മ​യം, ച​ന്തി​രൂ​ർ പ​ഴ​യ റോ​ഡി​ന്‍റെ വ​ട​ക്കു​ഭാ​ഗ​ത്തേ​ക്കു​ള്ള പ്ര​വേ​ശ​ന ഭാ​ഗ​ത്തെ കാ​ന നി​ർ​മാ​ണം നി​ല​ച്ചു​കി​ട​ക്കു​ന്ന​തും യാ​ത്ര​ക്കാ​ർ​ക്കും വാ​ഹ​ന​യാ​ത്രി​ക​ർ​ക്കും ബു​ദ്ധി​മു​ട്ട് സൃ​ഷ്ടി​ക്കു​ന്നു​ണ്ട്. നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​ടി​യ​ന്ത​ര​മാ​യി പു​ന​രാ​രം​ഭി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. അ​ന​ധി​കൃ​ത പാ​ർ​ക്കിം​ഗ് ത​ട​യു​ന്ന​തി​നും റോ​ഡ് സു​ര​ക്ഷ ഉ​റ​പ്പാ​ക്കു​ന്ന​തി​നു​മാ​യി മോ​ട്ടോ​ർ വാ​ഹ​ന വ​കു​പ്പ്, പൊ​ലി​സ്, ദേ​ശീ​യ​പാ​ത അ​ഥോ​റി​റ്റി എ​ന്നി​വ​യു​ടെ സം​യു​ക്ത ഇ​ട​പെ​ട​ൽ അ​നി​വാ​ര്യ​മാ​ണെ​ന്നും അ​ഭി​പ്രാ​യ​മു​യ​രു​ന്നു.